Fiches pa trabayar nes guardies 1º ESO

1.      Llee esti testu y fae los exercicios que vienen darréu.

Opiniones ayenes

Un güelu y el nietu empobinaron un día pa un pueblu vecín pa visitar a unos familiares. Con cuenta de llevar meyor el camín, echaron mano d'un burru. Diba'l rapacín montáu en burru de la qu'al pasar a la vera un pueblu sintieron:

—¡Tenía que da-y vergoña! El rapacín tan a gustu en burru y el vieyu faciendo'l camín a pie.

N'escuchando esto decidieron que fuera'l güelu en burru y el rapacín andando. Pero al pasar per otra aldea escucharon:

—¿Visti a esi vieyu abusón? Él bien tranquilu en burru, y el mocín caminando.

Entós apautaron que lo meyor diba ser montar los dos en burru y asina atravesaron otru pueblu, onde unos d'ellí glayáron-yos:

—¿Qué tais faciendo los dos xubíos nel probe animal! ¡Qué crueldá, vais frayalu!

En viendo esto, el güelu y el nietu dieron en pensar que lo más afayadizo yera continuar a pie los dos pa nun tener qu'aguantar más llevantos. Pero pasaron per otru sitiu y tuvieron qu'escuchar cómo-yos dicíen:

—¡Fatos! ¿Cómo se vos ocurre dir andando teniendo un burru?

a)      ¿Qué pasa nel testu? Fae un resume y tenta de sacar una conclusión amañosa.

b)      Coles tos pallabres, desplica qué significáu tienen nel testu les siguientes pallabres y espresiones marcaes en negrina.

1.      Empobinar:

2.      Sentir:

3.      Glayar:

4.      Lo más afayadizo:

5.      Llevantos:

6.      Fatos:

c)      ¿Qué ye l'apóstrofu? Márcalu nel testu ¿Qué pallabres apostrofen n'asturianu? ¿Cuándo lo faen?

d)      ¿Qué ye la contracción? Marca dalgunes contraciones nel testu.

5.      Traduz les siguientes pallabres al asturianu y fae una fras con caúna d’elles:

Mujer:

Coger:

Harina:

Hacer:

Enero:

Viejo:

1.      La mujer era tu hermana y el hombre es tu vecino.

2.      El lápiz de memoria está en la caja de los lápices.

3.      Nuestras amigas habían llegado ayer en el avión por la noche.